MBRET I TREGUT

Aparat mahnites per ata qe pertojne te ushqehen

B. Selmani — Thu, 11 Mar 2010 23:04:20 +0000

Nuk di nëse kjo është vetëm parodi e ndonjë produkti apo dikush po ndez alarmin për dembelizmin gjithnjë e në rritje të njeriut të shekullit 21, por nëqoftëse me të vërtetë ky ashensor për ushqim gjendet në shitje, atëherë mjerë njerëzimi!!! Edhepse ndoshta kjo gjë mund të jetë funksionale për ata që me të vërtetë kanë nevojë si pasojë e paralizës apo të tilla gjëra…

[There is a video that cannot be displayed in this feed. Visit the blog entry to see the video.]

Shperndaje kete artikull:

Shmizllat nga qendra e Shkupit aktivizohen ne aksion marketingu gueril

B. Selmani — Wed, 10 Mar 2010 23:31:26 +0000

U bënë gati dy vite qëkur Shmizllat janë vendosur në sheshin Maqedonia. Skulpturat të cilat u desh të promovojnë një kulturë urbane të qytetit të Shkupit, atëbotë hasën në kundërshtim me vlerat antikizuese që qeveria maqedonase promovonte, si dhe në anën tjetër artistët të cilët deklaronin se nuk përmbajnë asnjë vlerë artistike. E njejta gjë tani ndodh me projektin “Shkupi 2014″.

Përveç lypësit dhe llustruesit të këpucëve, asnjëra skulpturë nuk më ka pëlqyer, sidomos ajo e demit që është kopje e atij në Wall Street në New York. Bile “shmizllat” më janë dukur gjëja më e shëmtuar, deri në festën e 8 Marsit. Kjo për arsyen se me rastin e festës së gruas, ato u aktivizuan për qëllime marketingu, e aq më tepër në një aksion marketingu gueril që edhe është specialiteti im i preferuar.

Shtëpia botuese Tabernakul shmizllat i përdor si objekt për promovimin e aksionit të saj në zbritjen e çmimeve të librave nëpër librairtë e saj. Në duart dhe nënsqetullat e tyre kanë vendosur libra, duke krijuar imazhin se të jesh “shmizëll” duhet të lexosh libra.

Mbetet pjesa tjetër, ajo e shiritit që ia përkon trupin sikur misseve. Nuk di nëse edhe kjo është në strategjinë e Tabernakul, por për ata që nuk e kuptojnë mesazhin, thotë: “Nuk jam objekt seksual”, e që konsiston në anektodën që një kohë ishte llaf e muhabet nëpër çarshi, se, po të mos ishin shmizllat, gjysma e Shkupit asqë do të prekte ndonjëherë c..ë femre.

Shperndaje kete artikull:

Reklama bizare qe t’i rrotullojne zorret

B. Selmani — Sun, 07 Mar 2010 02:03:54 +0000

Galeria e reklamave në vazhdim nuk këshillohet për persona nën moshën 18 vjeçare dhe ata që kanë probleme me zemër. Unë i plotësoj të dyja kushtet, megjithatë më bënë të ndjehem keq!

Shperndaje kete artikull:

Koncept interesant per tia mbyll gojen gruas

B. Selmani — Sat, 06 Mar 2010 02:14:30 +0000

Pikërisht para një viti pata shkruar për vizionin e Microsoft për vitin 2019. Ndryshe nga paraqitja aty, Chris Harrison shkon një hap më tej duke çuar teknologjinë përtej imagjinatës njerëzore. Ai ka ndërtuar një sistem i cili njeh goditjet dhe lëvizjet (tkurrjet) e muskujve të dorës, dhe pastaj ato i shndërron në inpute kompjuterike. Pra ideja themelore është se me disa lëvizje të trupit mund të thirrni një numër telefoni, të luani tetris ose tia ngritni zërin këngës që po ndëgjoni.

Kjo akoma është si koncept, por nëse është e realizueshme, atëherë do të ishte mirë nëse me vetëm një shtypje të butë në hundën e gruas të mundemi t’ia bëjmë “mute” (tia ndalim zërin përnjëherë de )… Kini parasysh butonin në telekomandë!

[There is a video that cannot be displayed in this feed. Visit the blog entry to see the video.]

Shperndaje kete artikull:

Si te terhiqni kliente kur objektiv keni qente

B. Selmani — Mon, 01 Mar 2010 20:43:18 +0000

Prodhuesi i ushqimeve për kafshë shtëpiake nga Mbretëria e Bashkuar – Wag Foods, ka implementuar një strategji shumë interesante për të tërhequr klientë të rinj. Në muret përreth trotuarave kanë vendosur një instalacion-reklamë për ushqimin e qenve, dhe e kanë aromatizuar me materie kimike e cila i josh ato. Edhepse në këtë rast target grupi i reklamuesit janë qentë, do të kisha preferuar që t’i jipej edhe pak rendësi faktorit të vendimmarrjes, faktor ky i cili gjindet në duart e pronarëve të qenve.

Një gjë të ngjashme më kishte bërë edhe Animal Planet në vitin 2001, ku nëpër shtylla dritash rrugore kishin vendosur postera me nominimet për çmimin “Kafsha shtëpiake e vitit”. Ata kishin stërpikur fotografitë e secilit kandidat me urinën e tyre, kështu duke tërhequr vëmendjen e qenve për të dhënë votën e tyre.

Shperndaje kete artikull:

Eyelab Optometrist. Hapi syte!

B. Selmani — Wed, 24 Feb 2010 00:45:08 +0000

Fushata promocionale për një ordinancë oftalmologjike nga Cape Town i Afrikës së Jugut, sugjeron që të hapen sytë mirë gjatë zgjedhjes së partnerit jetësor. Nëse analizohet fotografia e mëposhtme, shumica do të kenë bindjen se, ose vajza ka pasur problem me sytë, ose i vërteton tezat nga barcoletat për bjondet. Opcioni i tretë është ta ketë njoftuar nga interneti.

Brendi: EyeLab Optometrist

Realizatori: Canvas

Lancuar: 2010

Shteti: Republika Jugafrikane

Motoja: N/A

Shperndaje kete artikull:

The Cape Times: Gjurmimi i lajmit nga nje kendveshtrim tjeter

B. Selmani — Thu, 18 Feb 2010 23:54:48 +0000

Brendi: The Cape Times

Realizatori: Lowe Bull

Lancuar: Shkurt 2010

Shteti: Republika e Jugafrikane

Motoja: “In-depth news investigated from every angle. Know all about it.”

Shperndaje kete artikull:

Dhurate per Shen Valentin: perqafim artificial

Luljeta — Sun, 14 Feb 2010 01:16:09 +0000

Ja dhe gjëja më e shëmtuar që për Shën Valentin do të mund t’ia dhuronit personit që ua ka pushtuar zemrën. Bile mund t’ia shtoni edhe porosinë me zë “Të dua”.

[There is a video that cannot be displayed in this feed. Visit the blog entry to see the video.]

Shperndaje kete artikull:

McDonald’s fiton reklamim pa pagese

B. Selmani — Sun, 14 Feb 2010 00:28:47 +0000

Nuk bëhet fjalë për reklama të tipit graffiti që i hasim nëpër muret e vendbanimeve urbane, por thjesht është një foto e kapur në kohën kur hija e një shenje të McDonald’s shfaqet në një hapësirë për reklamim në murin e një ndërtese. Kësaj i thonë të fitosh hapësirë publicitare me ndihmën e diellit.

Via Reddit

Shperndaje kete artikull:

Nese femra do te ishte…

Luljeta — Fri, 12 Feb 2010 14:22:06 +0000

Kjo është një fushatë e bërë për uebsajtin për femra iG, e cila për shumëkë do të ishte tërheqëse, mirëpo për mua paraqet një përbuzje ndaj gjinisë femërore. Përderisa historia njeh me mijëra e mijëra femra me ndikim e që kanë kontribuar në ndryshimin e gjendjeve shoqërore, agjencioni Lew’Lara\TBWA nga Brazili atë e paraqet si të pafuqishme përkundrejt gjinisë mashkullore. Ndaluni së krahasuari femrën me mashkullin!

Shperndaje kete artikull:

Reklame kreative ne luften kunder fushave te minuara

B. Selmani — Thu, 11 Feb 2010 14:15:22 +0000

Ja një reklamë interesante e një organizate joqeveritare nga Zelanda e Re, e cila është e fokusuar në vetëdijësimin e publikut lidhur me problemin e minave. Ata thonë se shkelja e minave është përditshmëri në 89 vende të botës. Nuk di nëse në këtë shifër bën pjesë edhe Kosova ose nëse e kanë të shtrirë aktivtetin e tyre edhe në shtetin e evropianëve të ri. Sidoqoftë ideja duket të jetë shumë kreative.

Vërejtje! Në foto është vendosur keçap në vend të gjakut.

Shperndaje kete artikull:

Logot e Super Bowl. Nga I deri XLIV

B. Selmani — Mon, 08 Feb 2010 16:35:40 +0000

Dje shkrova pak për Super Bowl, sa për tu bërë aktual. Ndërsa sot po paraqes vetëm logot e këtij evenimenti në mënyrë kronologjike që nga viti 1966 e deri 2009. Për ata që janë më shumë në rrjedha: Nëse kampionati ne Super Bowl për herë të parë është mbajtur në vitin 1967, atëherë pse logot fillojnë një vit më parë? Përndryshe, të gjitha logot mbahen ndaj një koncepti; numri romak në bazë të asaj se cili vit me radhë mbahet gara dhe shënimi “Super Bowl”. Dallojnë vetëm fonti dhe ngjyra e shkronjave.

Shperndaje kete artikull: